YMA GEN. CONFERENCE VAWI-70 NA THLENNA TUR BAIRABI KHAW CHANCHIN TLANGPUI

By Kima Bawihtlung

Zoram chhung leh pawna YMA member zawng zawng te Zampuimanga Group YMA hmingin chibai kan buk a che u.

BAIRABI KHAW DINHMUN LEH A AWMNA HMUN: 

Bairabi hi kum 1928 ah din tan a ni a, ram ngaw chhah tha tak takin a hual vel, tlang leh tlang inkar hmun rem taka awm a ni. Kolasib atanga hmar thlang lam KM-30 vel, Assam leh Mizoram inrinna laia awm niin NH-154 paltlang khua a ni a, Tlawng lui kânin chhim chhak lamah Mamit District leh khawthlang lamah Zawlnuam panna kawng tha takin a pawh a ni. Kum 1966 ah khan Bairabi chhehvela awm khaw dangte nen Bairabi-ah hian sawikhawm (Grouping) kan ni.

Tin, Bairabi khua hi Village Council pahnihin awpin, 2013-a Village Council-ten survey an neih atanga a lan danin Bairabi ah hian In 1081 bawr vel awmin chhungkaw 1170 an khawsa a. Mipa 3505 leh Hmeichhia 3557 niin mihring cheng zat hi 7062 bawr vel ni a hriat a ni.

Bairabi khaw chhung hi KM-2 aia thui hret a ni a, kawngpui dung zawh lova ram rai tha taka inzarpharh kan ni a, hei vang hian khawchhung khawi lai hmun pawh hi hla lo te leh awlsam taka inkalpawh zung zung theih a ni. Mizorama inkalpawhna kawngpui tha ber ni thei dinhmunah kan ding mek a, sorkar-in chak taka a lak chuan kalkawngah harsatna a awm lo tura ngaih a ni.

YMA DINHMUN : Bairabi ah hian YMA hi kum 1947 khan din tan a ni a, tunah hian Branch pahnih awmin Section panga ah inthen a ni. Tin, Branch pahnihte khaikhawm turin Joint YMA a ding bawk. YMA member hi 1000 vel kan awm mek a ni.

SORKAR OFFICE DINHMUN : Bairabi khua hi Sub-Deputy Commissioner in a thut a, Power & Electricity Department (P&E) leh Public Works Department (P.W.D) te hi Sub-Division a ni a, Primary Health Centre awmin AH&Vety Department hi Vety. Officer in a thut mek bawk. Environment & Forest Department hi Range Officer in a thut a, Agriculture Department hi Circle Officer-in thutin, Police Department hi Inspector-in a thut bawk a, Public Health Engineering (P.H.E) hi Site Office niin Junior Engineer in a awp mek bawk a ni. Zirna lamah hian Primary School atanga High School thleng neiin School 13 a awm bawk.

SORKAR HMUN PAWIMAWH TE : Bairabi hi Mizorama Rel (Train) luhna awm chhun a ni a. Dt 16.3.1991 khan Bairabi-ah rel lo lut tanin tun thleng hian khualzin phur bakah Mizoram ei leh bar phur luhna tangkai tak a ni a, tunah tak hi chuan Bairabi to Sairang rel kawng kal tur leh, rel lian kawng siam mek a nih avangin 2014 March thla tawp atang khan Bairabi-ah hian rel a la rawn lut leh hrih lo/

Rel Station bul lawkah hian Dt 7.5.2004-a hawn Thermal Power Plant 22.92 MW pe chhuak thei tura duan a awm a. Tin, Thermal Power Plant piah lawkah hian Food Corporation of India (FCI) Godown lian tak tak pahnih awmin Rel atanga Buhfai leh eitur dang phai lama atanga Mizoramin a lakluh chu FCI Godown-ah hian chhek khawmin heta tang hian Mizoram hmun hrang hrangah Motor lian (Truck) hmanga phurhchhuah zut zut reng a ni.

Tin, Mizorama lui sei ber Tlawng; Suarpui Hydel Project avanga hmingthang tak kha Bairabi khaw bul maiah a luang dul dul a, Tlawng kamah hian mi tam takin thlai huan siamin eizawnnan an hmang mek a ni. Tlawng kam hi hmun rem leh nuam tak tak a ni a, inbualna leh picnic-na hmun remchang tak tak pawh a awm.

Inbiakpawhna lamah Airtel, BSNL, Vodafone leh Aircel Service Provider te a awm a, Airtel 3G hman theih a ni.

Chhiar Zel rawh

YMA GENERAL CONFERENCE VAWI 70-NA PANDAL SAK TAN TA

YMA Gen. Conference Vawi-70 na Pandal chu  Dt 1.10.2015 khan sak tan a ni ta a, a hmelhmang tur pawh a hriat theih tan ta e.

Tin, Pandal sak dan tur chungchangah Member tam takin zawhna kan nei a, a thlengtu Zampuimanga Group lam pawhin tihfuh tawk lo chu an nei maithei e, mahse a dawngtu lamin uluk taka ngaihtuahna an sen hnua ruahmanna an siam te hi phunnawi mai lovin YMA takin i hriatthiampui phawt mai teh ang u.

Dt. 2/10 ah hnatlang hi koh chhunzawm leh a ni a,Organising Chairman Pu PC Zoramsangliana (Bialtu MLA) pawhin he hun ah hian min rawn telpui dawn a ni.

Khawtlang mipui te tlawmngai a hnatlang leh vek turin kan ngen nawn leh che u ani. Bairabi chhunga Branch pahnihte mai bakah Pangbalkawn Branch atangin 40 vel Meidum atangin mi10, Bukvannei atangin 10 vel an rawn thawkchhuak bawk a ni.

MI INPHALTE'n hengte hi an thawh a ni:
# Pu Kailash = 207 pickup
# Pu Thangmawia'n = 407 pickup
# Bairabi South KTP = Rs. 2000
# RO Pu Mazuala = Mau pum 400
Mi inphalte leh hnatlang zawng zawngte chungah Pandal Sub Committee chuan lawmthu an sawi a ni.
-- Source BAIRABI Group, Facebook ((Re-Edited by Admin)

Chhiar Zel rawh

2014-2015 chhung atana Zampuimanga Group YMAHruaitu tur thlan thar te

President : Pu H.Vanlalbika, Bairabi Chhimveng Branch
Vice President : Pu K.Lallianpuia, Saihapui 'K' Branch

Secretary : Pu Vanlalfela, Bairabi 'N' Branch
Asst. Secretary : Pu H.Lalzawmliana, Bairabi Chhimveng Branch

Treasurer : Tv K.Lalawmpuia, Meidum Branch
Fin. Secretary : Pu Vanlalnghaka, Pangbalkawn Branch

Chhiar Zel rawh

GROUP YMA COMMITTEE THUZampuimanga Group YMA Committee thuchhuak te :

1. Group YMA Committee tihlen chungchang sawiho a ni
a. Group huamchhunga YMA Branch tin President leh Secretary chu Group YMA Committee Member nisaa ngaih an ni a, Group OB-a an luh tel chuan an aiawh
tur Branch ten an ruat thei ang.

Tin, Group YMA Committee Member tur leh Adviser tur mi pali ruat an ni a, chungte chu:
Committee Member :
1. Pu H.Lalrinthanga, Bairabi ‘S’
2. Pu RK Lalchhandama, Pangbalkawn
3. Pu H.Kaphmingthanga, Bairabi ‘N’

Adviser :
1. Pu J.Lalchhuanawma, VCP Bairabi
2. Pu H.Vanlaltluanga, VCP Meidum
3. Pu LK Thanga, R.O Bairabi
4. Pu Joseph Remmawia, SDO PWD Bairabi
2. Bairabi Group YMA tih thin chu
Zampuimanga Group YMA tih a lo nih tak avangin Group YMA Office Bearerleh Adviser te designation Plate siamthar nise.
3. Group YMA Conference in a lo passed tawh angin Zampuimanga Group huamchhunga hnamdang; Vai leh
Bru (Tuikuk) te chhiarpui neih dan tur sawiho a ni a. Branch hrang hrang ten hnamdang Census Register neih vek nise, Group Office Bearer ten Proforma rawn siam sela, proforma siam ang hian Group YMA Secretary hnenah July 2014 ralhmain thehluh vek nise.
4. Group YMA Conference-in Group YMA Zaipawl neih/din nise a tih chu hetiang hian ruahmanna siam a ni :

Conveners : Pu RK Lalchhandama,
Gr. Comt. Tv K.Lalawmpuia, Treasurer Gr. YMA
Conductors : Tv R.Lalhriatpuia,
Gr. Comt. Pu C.Lallawmsanga, Bairabi South

Branch hrang hrang ten hetiangin Zaipawl Member tur rawn inruat se:
1. Bairabi North : Mipa-3, Hmeichhia-3
2. Bairabi South : Mipa-3, Hmeichhia-3
3. Meidum : Mipa-2, Hmeichhia-2
4. Pangbalkawn : Mipa-2, Hmeichhia-2
5. Saihapui ‘K’ : Mipa-2, Hmeichhia-2
6. Bukvannei : Mipa-2, Hmeichhia-2
Heng Zaipawl Member ruatte hi April thla ralhmain Group Secretary hnenah thehluh vek nise.

Tin, Zaipawl Member ruat te inhmuhkhawmna leh hla zirna neih
nghal nise, hetiangin a hun ruat a ni.
A hun : Dt 14th May 2014, Dar 10:30AM
A hmun : Pu H.Vanlalbika In, Bairabi ‘S’
Member-te kalman senso hi Branch ten tumsak tur a ni ang.
5. Group YMA Conference rorel sorkar-a thlen ngai chi te chu Group hruaituten a rang thei angin bawhzui se.
6. Group huapa Blood Donation Camp neih chungchang Conference-in a lo passed tawh chu Dr Lalengzauva, MO Bairabi PHC biakrawn nise, a hun thu chu committee
lehah rel nise.
7. Mizoram pawna YMA Branch te leh Zodin (Rasdali) te dinhmun Group hruaituten lo zirchiang se, an dinhmun azirin committee leha sawiho nise.

Source: BAIRABI YMA

Chhiar Zel rawh

BAIRABI ‘S’ SANITATIONCOMMITTEE DINA NI

Dt 11.4.2014
Zirtawp zan khan Bairabi chhimveng
huamchhunga NGO hrang hrang te leh Village Council Member te chuan Pu B.Lalnunkima inah Joint Committee
neiin Bairabi chhimveng huam chhung faina lam a hmalak dan tur an rel.

He committee-ah hian Bairabi Chhimveng Branch YMA hmalaknaa bawlhhlawh paih chungchangah sum leh pai lam harsatna leh Bawlhhlawh paihna hmun chungchanga
harsatna an tawh te sawiho a ni. Bairabi Chhimveng huamchhung a lo thianghlim zel theih nan Bairabi Chhimveng Sanitatian Committee din a ni. He pawl hi kumtin in thlan thin tur niin Committee member tur chu OB te ruat tura dah a ni. Bairabi Chhimveng huamchhung in tinah Sanitation fund khawn thin ni bawk se an ti.

Heng mite hi Bairabi chhimveng Sanitation Committee hruaitu te chu an ni.

Chairman : Pu F Lalduhawma
Vice chairman : Pu H.Lalhmangaiha
Secretary : Pu H Zirsangliana
Asst Secretary :Pu PB Lalnunmawia
Treasurer : Pi Chawngthuami
Fin Secretary : Pu R Llalrinawma

He pawl hmalakna tur a tan Bairabi chhimveng huamchhung NGO a tangin sum leh pai Rs 500.00 theuh thawhkhawm nise tih a ni a. Tin Pu Lalbiakzama Secretary, Village Council in Bairabi Chhimveng Sanitation tan Rs 100.00 a pe nghal bawk.
Bairabi Chhimveng Sanitation Committee hmalakna tawiawm tur hian Bairabi Chhimveng huamchhunga
chhungkaw tinte ngen an ni.

Chhiar Zel rawh

VILLAGE COUNCIL HRUAITUTE BUL TUMIN BAIRABI KHAWCHHUAK WELFARE COMMITEE DIN A NI:

Dt.: 16th August, 2013
Village Council hruaitute bul tumin Minister Pu. Zoramsangliana Bangalow ah Bairabi khawchhuak Welfare Committee chu Aizawlah din a ni a. He welfare committee din tur hian VC hruaitute chu Aizawlah lokalin, Bairabi khawchhuak Aizawla awm theih ang angte ko khawmin din a ni. Hemi rual hian Welfare Committee Office Bearers te ruat nghal an ni bawk.

Hetiangin:

Chairman : Pu. H. Lalbiakmawia - Republic Veng-
9862305087

Vice Chairman: Pu. Lalthankima - Model Veng- 8730098532

Secretary: Pu. Eddy Zonunkima - Luangmual-
9774638425

Asst. Secy : Pu. PC. Laldingluaia -
Kulikawn-9862537971

Treasurer: Pi. Remsiami - Mission Veng
9862771039

Information Secy.:
Tv. Rodinmawia (Puia) - Khatla - 9862593187
Pu. Dr. Lalengzauva- Khatla 'E'- 8014630990

Note: Bairabi khawchhuak Aizawla awmte hriat theih ang angte chu hming, Address leh Phone number ziaka dahthat zel a ni a. Tin, Membership fee phal ang zat zat pek a ni nghal bawk. Hemi ni a hming ziak lut lo hi kan la awm teuh a rinawm a. Chuvang chuan la ziak lo zawng zawngte kan Information Secretary te emaw kan hruaitu dangte hnenah khian kan hriattir vek dawn nia. Tangkai taka kan hman ngei theihnan memberte kan pawimawh vek dawn a ni tih i hre theuh ang
u.

Chhiar Zel rawh

Distance of Routes From Aizawl

Aizawl atangin Bairabi ah ilo zin duh anih chuan Zarkawt Traffic point chhakah 'Joseph Travel' tih kha Bairabi sumo counter a ni a, chutah chuan kal la Bairabi sumo ticket chu Rs. 300/- chauhin ila thei ang. I kal hman lova i buai viau anih pawhin hetah hian i be mai dawn nia 9436190614. Aizawl leh Bairabi inkarah hian khaw 13 a awm a, tlan tluang pangngai chuan darkar 5 chhung kal a ni. Tunah chuan tlang dung lam atang lo pawhin Sairang kawng lamah nuamsa takin a tlan theih tawh bawk e. Kawng a zau a, siam mek zel a ni a, nuam i tih ngei kan beisei.

Tun dinhmunah hian Bairabi kahwchhung kawng leh khawkar kawngte siam mek zel anih avangin a tha rihlo hle a ni.

A hnuaiah hian Aizawl-Bairabi inkara khua i pelh turte kan rawn tarlang e:

Bairabi welcomes You ! Have a save Journey !

Chhiar Zel rawh