Subscribe rawh le!

Bairabi tan, kumtluanin

02 September, 2013

VILLAGE COUNCIL HRUAITUTE BUL TUMIN BAIRABI KHAWCHHUAK WELFARE COMMITEE DIN A NI:

Dt.: 16th August, 2013
Village Council hruaitute bul tumin Minister Pu. Zoramsangliana Bangalow ah Bairabi khawchhuak Welfare Committee chu Aizawlah din a ni a. He welfare committee din tur hian VC hruaitute chu Aizawlah lokalin, Bairabi khawchhuak Aizawla awm theih ang angte ko khawmin din a ni. Hemi rual hian Welfare Committee Office Bearers te ruat nghal an ni bawk.

Hetiangin:

Chairman : Pu. H. Lalbiakmawia - Republic Veng-
9862305087

Vice Chairman: Pu. Lalthankima - Model Veng- 8730098532

Secretary: Pu. Eddy Zonunkima - Luangmual-
9774638425

Asst. Secy : Pu. PC. Laldingluaia -
Kulikawn-9862537971

Treasurer: Pi. Remsiami - Mission Veng
9862771039

Information Secy.:
Tv. Rodinmawia (Puia) - Khatla - 9862593187
Pu. Dr. Lalengzauva- Khatla 'E'- 8014630990

Note: Bairabi khawchhuak Aizawla awmte hriat theih ang angte chu hming, Address leh Phone number ziaka dahthat zel a ni a. Tin, Membership fee phal ang zat zat pek a ni nghal bawk. Hemi ni a hming ziak lut lo hi kan la awm teuh a rinawm a. Chuvang chuan la ziak lo zawng zawngte kan Information Secretary te emaw kan hruaitu dangte hnenah khian kan hriattir vek dawn nia. Tangkai taka kan hman ngei theihnan memberte kan pawimawh vek dawn a ni tih i hre theuh ang
u.

10 February, 2013

Distance of Routes From Aizawl

Aizawl atangin Bairabi ah ilo zin duh anih chuan Zarkawt Traffic point chhakah 'Joseph Travel' tih kha Bairabi sumo counter a ni a, chutah chuan kal la Bairabi sumo ticket chu Rs. 300/- chauhin ila thei ang. I kal hman lova i buai viau anih pawhin hetah hian i be mai dawn nia 9436190614. Aizawl leh Bairabi inkarah hian khaw 13 a awm a, tlan tluang pangngai chuan darkar 5 chhung kal a ni. Tunah chuan tlang dung lam atang lo pawhin Sairang kawng lamah nuamsa takin a tlan theih tawh bawk e. Kawng a zau a, siam mek zel a ni a, nuam i tih ngei kan beisei.

Tun dinhmunah hian Bairabi kahwchhung kawng leh khawkar kawngte siam mek zel anih avangin a tha rihlo hle a ni.

A hnuaiah hian Aizawl-Bairabi inkara khua i pelh turte kan rawn tarlang e:
Bairabi welcomes You ! Have a save Journey !


06 February, 2013

Breaking News Dated February 7, 2013

ASSAM MITEN MIZO (KAN KHAW MI LEH SATE) TEAK AN CHHUHSAK

Bairabi khuaa tlawngkama teak neituten hralh tura teak an kihsa thahnemtak chu  February 5, Thawhlehni khan Assam Forest mite’n Assam police engemawzat hruaiin an chhuhsak. Assam police-te an hlauh avangin Tlawngah balu la ngam an awm lo nia hriat a ni.

Teak an lakna hmun chu Inner Line Forest Reserved area a ni a, rambuai hma atanga kan pi leh pute’n an lo neih thin a ni a, kuhva leh teak te bakah thlasaik thai te an ching thin a ni. Teak an phunte chu seng a hun tawh avangin an kit a; chung an teak kih sate chu Assam forest te’n  DFO tirhin Assam Police thahnem tak nen February 5, Thawhlehni chawhnu lamah an chhuhsak a ni. Assam mite’n Bairabi mite Teak an chhuhsak hi tum 80 vel a ni a; Assam police-ten an vau avangin an hlau a tih zui ngaihna vak an hre lo niin Vanglaini chuan a report a ni.

Assam Police leh Forest hote chuan Assam lama teak phurh thlak nan Tlawng luia balu la a inhlawh lawngleng an mansak a; lawngleng neitute chuan vai thenkhat chhawrin Assam ram chhunga anlak thlak tawh lawnglengte chu police-te hriatlohin an zuk la leh niin an sawi.
Bairabi Joint YMA President, Lalrinawma chuan, Hailakandi DC-ah Mizo hnahthlak, S Thiak a awm hnuah Assam lam mite lak atangin Bairabi mite’n harsatna kan tawk ngai vak tawh lova, a hma zawng aiin kan tlangnel tawh zawk a ni. Bairabi-a chhungkaw 50 velin an huana thlai an ching chungchangah harsatna an tawh thin pawh June 2012-ah Hailakandi DC hnenah chuan an thlen a; chumi hnu chuan harsatna an nei ngai meuh tawh lo a ni.

Assam lam mite chetdan avang hian Bairabi tlawnga balu la a eizawngte zingah nimin khan balu la ngam an awm lo nia hriat a ni a; nimin vek khan Bairabi SDC, V Laldinsanga hoin Bairabi Forest RO te leh Bairabi Joint YMA leh V/C ten hmalak dan tur an sawi ho a ni.
                                                        -          Source Vanglaini , February 7, 2013

01 February, 2013

BAIRABI KUM PAWIMAWHTE

◊ 1929  -   BAIRABI-a Mizo lo awm tantirh kum. (BAIRABI tobul ni a sawi a ni)
◊ 1942  -   Primary School-I din a ni. (Bairabi-a Sikul hmasa ber)
◊ 1943  -   Police Duty (Check Post) in dah anih kum.
◊ 1944  -   Young Lushai Association (YLA) din kum. Hemi kum vek hian Bairabi chu Police Out Post-in dah a ni bawk
◊ 1952  -   Bazar hawn a nih kum. (Tlawngkai Tiau pho-ah hawn a ni)
◊ 1954  -   Dak In (Post Office) hawn a ni. Hemi kum vek hian a hmasaber atan V/C thlanna neih hmasak ber kum a ni bawk.
◊ 1956   -   Forest Department alo awm kum.
◊ 1957   -   Bairabi-ah Primary School Exam Centre neih anih tan kum.
◊ 1959   -   Middle School-I din a ni.
◊ 1958-1959   -   Bairabi-Kolasib inkar kawng chu Jeep road a laih a ni.
◊ 1971   -   Bairabi High School din a ni.
◊ 1978   -   Motor (Jeep) luh hmasak ber kum.
◊ 1981   -   Bairabi-a rel luh a, hnathawhtheihna turin C.M Brig.T Sailo chuan ropui takin a hawng.
◊ 1991   -   Damdawi In hawn a ni.◊ 16/3/1991 - Rel luh hmasakber ni.
◊ 1995   -   Bairabi sub-town chu in hmun, lo, ram patta turin teh a ni.
◊ 1997   -   English Medium hmasa ber din kum. (H.T English Medium School)
◊ 1998   -   Tourist Lodge hawn a ni.
◊ 22nd, November, 2011 - Facebook-ah BAIRABI Group siam a ni. ◊◊◊◊

YMA HRUAITUTE (2013)


BAIRABI NORTH BRANCH YMA

President - Pu C. Lalchhandama. 
Vice President - Pu C. Lalbiakenga.

Secretary - Pu Lalchhuanliana. 
Asst.Secretary - Pu K. Lalrinchhana.

Treasurer - Pu PC. Lalramchhana.
Financial Secretary - Pu PC. Chuauhmingthanga

                                       
                       -    Reported by Papuia Ralte

BAIRABI SOUTH BRANCH YMA


President : F.Lalduhawma,  
Vice President : H.Vanlalhruaia,

Secretary : B.Lalnunkima, 
Assistant Secretary : F.Vanlalbela,
Treasurer : J.Vanlalhruaia,  
Fin Secretary : H.Zirsangliana
                                              
                        -     Reported by Kima Bawihtlung

31 January, 2013

PHOTO GALLERY

Bairabi Rel Station Platform
Cultural Festival 10th Nov. 2011
Bairabi Police Check Gate
Tourist Lodge, Bairabi
Bazar Road
Bairabi Tlawng
Bairabi tlawnglui -- uploaded by Papuia Ralte
Bairabi lamtluang ... uploaded by Papuia Ralte

Suarpui uploaded by Papuia Ralte
Thermal Chimney
BAIRABI LUI lei

Bairabi 'Google satellite view'




Rel Wagon, Bairabi
BAIRABI Rel Station
BAIRABI Bazar 2012

Bairabi Tlawng lui (Marboat kai)


Bairabi Damdawi in

Thermal Power Plant, Bairabi

Govt. BAIRABI HIGH SCHOOL



Tlawng tui lian June 2018 

2013 BAIRABI Group Calendar with Holidays (Mizoram)

BAIRABI Group Calendar 2013

30 January, 2013

HMUN HMING SAWIFIAHNA

1. BAIRABI : Bairabi tih awmzia pawh hi Boirobill an lo ti a, chu chu ‘Lawi bual’ tihna mai a ni a. Thenkhat sawi lehnaah chuan phailam leh Mizoram inthenna lai a nih avangin chibai inbukna anga ngaiin - BAI BAI an lo ti a ni an ti bawk. Eng pawh chu lo ni se, a Vairobill tih leh BAI BAI tih pawh chu alo re deuh hnuin Bairabi tia lam alo ni leh ta mai a ni. 1940 hma lam hunlai chuan Bairabi phai leh ngawdurpui mai thing sang tak tak leh hrui bawn hmunpui mai a ni a Satin reng hram rik chuah chuahna hmun a ni a, Tlawng ral lampang phei saw chu phailam reserve an ti a, Chem kenga luh phalloh a ni.

2. DAIREP :
Dairep tih hi an khawhlui hmasa ber chu Phari tlang sang tawp lamah sawn a ni a. CHu chu an khaw hmun hlui hmasa ber a ni. Chuta an awm chu hripui an vei nasa em em a, mi tamtak an thi a, an tuar lova an pemdarh ta a ni, an rem phah thal avang chuan ‘Dairep’ an lo ti ta a ni awm e.
    Tlawng rala kan va luh chang pawh hian Tlawng kan zu chhuak thla turte hi Phairuang kar atangin  Lawngah vai an lo kal nge kal lo ti hian kan bih dek dek thin a ni. Thingtuai zungchal tiat lek pawh hi sahthlak phalloh an ti si a, kan hlau em em mai thin a ni.
    Amah Pu Vana pawhin, vawikhat chu Sakhi kan kap a, a zawnna tur kan hre ta lova, kan hawi kan hawi mai a, a tawp a tawpah chuan thingtuai pakhat chu thih leh thih tih hian kan satthlu hram a ni ati thin. Chutiang chuan hmanlai British min awp lai chuan tih loh tur tihte chu kan lo insum thiam em em a ni.

3. BAIRABI LEH DAIREP
    Bairabi leh Dairep inkungkaihna dan hi khawper zawkah Bairabi hi a ni a, Headman in buh chhun chanve ei tura sawrkar in Pu Robula chu a ruat a, hetia buh chhun chanve pek tura an lo awm ve hi Dairep Lalte hian an lo lawm vak lova, a langin inbe chhe vakin lang lo mahse, a ruk tak chuan an inlawm lo hle thin a ni.
4. BAWNG LUI :
    Bawnglui tih awmzia pawh hi hmanlai a venghlui lama awmho ten Lui hnar lamah hian sakeite a tam si a, Bawng a seh reng mai a, an tlat theih loh nante chirhdiakah Bawngte an tang bawk thin nen Bawng kal theih  loh nan Bawngdai an theuhna a ni a, chuvangin Bawngdai Lui tih a ni a, tunah chuan Bawnglui kan lo ti ta a ni.
5. PHARI:
    Tun thlenga Phari lui tih saw hmanlai chuan Forest hovin kum tin hian ramri sah an ti a, kawng ang hian an rawn sat ziah thin a, tuna Phari Lui an tih chhunzawm sawn Phaizawlahte lei chhun an ti a. Sawntlung pawng ang hian an rawn siam thin a, chuvangin a lui dung saw Phari lui tih a ni thin a ni.
6. KAWNPUI LUI:
    Kawnpui lui tih awmzia chu Dairep tlang atanga lui lo luang chhuak thla a ni a, tlang chu a rawn su kawn thla a chuvang chuan Kawnpui Lui tih a ni.
7. PUMPHIR LUI:
    Khawlaia Pumphir Lui tih hi, a hnarah chuan leilet a awm a, chu leilet chu a dum em em mai a, dum chu pumphirin a duh bik a, Pumphir hmun hlirin a khat a, leilet pawh chu pumphir zau leilet a ni a, chuvangin a lui pawh hi Pumphir Lui tih alo ni ta a ni.
8. SAPMARA:
    Sapmara tih awmzia hi hmanlaiin Mizoram leh Vairam inkal pawhna hi kawng dang a awm lova, Lawng hlira chhuk zawng leh chho zawnga kal a lo ni a, chunglai chuan Sap ho min awplai a ni bawk a, Lawnga chuang sap pakhat chu lung bang awmzui maiah hian Lawng insu keh avangin sap chu a thi ta a, chuvangchuan sap chu a ‘mar’ ta a, tichuan Sapmara tih alo ni ta a ni.
9. LICHENG :
    Licheng tih hi tlawng dungah hian li lian pawl a tling ve a, chu li chu a cheng bial vir mup mup mai a, chunglai chuan Mizote phai kal ve na chu Maupum a intawlh ringawt hi phai kalna alo ni a, mi thenkhat phei chu livir hian nilenga a lakte pawh a nei thin a. Chuvangin licheng an lo ti a ni. Tlawngdungah chuan a hmingthang ve hle a ni.
10. SUARPUI:
    Suarpui hmun hi kham ko tawn sang tak tak ve ve  a ni a. Mizo leh Vai indo lai chuan, vai lo lian chu dan nan an lo hmanga, vai lo kal chu delh hlum turin a kam tawn tawnah ‘Sahbuak’ an ti a, chu chu an siam a. Lung an tiang rup mai a, Lawng lokal ve leh an remkhawmna hrui chuu an sat chat a, a baw hum hum mai thin a ni. Hlauhawm ve tak chu a ni ngei ang !
    A suar nasa a, a thui bawk si a, fur tui len lai phei chuan a rapthlak thin hle a ni, Lawng a kal vel chet sualna hmun tamna ber a ni hial ang. Chutiang a nih avang chuan Suarpui tih hming a lo pu ta a ni.

HNATHAWH DAN CHANCHIN

Bairabi dintirh laia Nu leh Pate hnathawh dante chu hautak tak mai a ni a. Huan leh Leilet atchilhna avangin hrehawm pawh hre ve tho mahse insumna nei miah lova hnathawh a tan lak a ni a.Leilehnan a Bawng chharte chu an la ngaihtuah chhuak ngai lova, phaizawlte chu a hnim chak si a, Ui hmul nag mai, a hnim tote chu buh phun kar kha Chem a thlawhfai leh zelin, chhungkaw chawm leh hmasawn zel tum chu an in elna a ni thin.
   
 Leilet thawhkarah Serhuante chu beingawrh reng a ni bawk a, kum khatah vawi thum sam chhuah hi an inpekna dan a ni. Chutiang chuan kum 10 aia tam mah tan la in khawsak alo ni. Chutiang chuan awm hmasate chuan tan an la a, hlawhfa chhawr leh bawng chhawrte chu tunlai tawng takin ‘kaha’ a ni mai si a.
    
Nakinah chuan ala tha dawn a ni tih hi an in hnemna ber a ni thin. Nakinah chuan khuate ala pui anga, motorte, Rel te alo la chhuak ang a, ti hian an fate an hnemna ber a  ni thin. Chutiang chuan Nu leh Pa te hmuh tawh loh hnu hian alo thleng ta a ni ber e.
    
Tunlai mi hausa, neinung sa a hmun rawn siam hote chu thil kal thei a rawn la velin, sum leh pai neisa a rawn phurin, mahni chuan sadaiek tlang khat pawh hmet pherh lovin, dinhmun rawn siamturte tan chuan kum hnih khat lawkah van pawh  tawng theih mai awm tih awl a ni e.
   
 Lirthei hmanga rawn tlan puat puata hmun hma tawn siam theite chu awh fakah pawh kan ngailo mau a ni ang chu. Amaherawhchu an ti tha duh lo nge, an peih lo ngen an tlin lo nge? an hre lo, rin aiin awhfak an har hle dawn em an ni tih awl a ni ta.
    
Tun hma nan zawng a in thlau ta e, tih a ni ta. Amaherawh chu an hmun leisa a awl ruak hiai huai maite hi chu awh fak an hlawh nep hle e tih a ni ta ber e. An la ti tha duh em ang chu.

IN VAWN DAN

 Heng hun lai hian Bairabi Presbyterian kohhran chu pawl dang pawlh sawptu awm lova lungrual taka kohhran pakhata awm a ni a, Tichuan hun neitute hian Biak In awm hi an lo remti vak lo niin sawn tura nawrna a lo chhuak ta a. Tichuan kohhran dinglaite chuan harsa ti ve siin Synod lam thleng thleng in khinna a lo awm ta a.
   
 Hun rei fe chhung chu intihbuaina in a lo awh ta a. Biak In buaina avang chuan kohhran pawl pakhat ni thin kha pawl hnih UPC ah te tlanchhuakin in thehdarhna a paw chhuak ta a ni. Kohhran kallai zel kha Robula pawl tih leh kalchhuak lam UPC kha Thangbera pawl tih angin a rik phah deuh nual thin a ni. Mahse khawtlangin a awp Administration lamahte hmun khatin kal reng a ni a, a ziaawm tak zawng a ni zel.
    
Heng hun chho hian Bairabi-ah Pu Robula chu Headman a ni a, buh chhun chanve ei tura sawrkar ruat a ni. Tin, Thanglura chu Dairep upa a ni thin a. Tichuan kum 1943 ah chuan Police Duty in Pu Kaichhunga ASI chu Check Post in a rawn dah ta a ni.
    
Chuta chinah kum 1944-ah Bairabi ah Y.L.A (Young Lushai Association) a lo ding ve ta a. President hmasa berah Pu Thangkhuma a tang ta a ni. Chutia hun lo kal zelah Bairabi chu 1944 vek hian Police Out Post in an rawn dah leh ta a. Pu Vana A.S.I in a lo awm a, chung lai chuan Bazar kan dilnate chu, achangin an phal lova, an phalloh chhan ber chu - Vairam lama buhfai ilo chhuak leh lut ven fimkhur vanga phallo an ni a, an phallohna ‘Paruana’ te chu tun thlengin Z.Thangpuia’n ala kawl a ni.
    
Tichuan Bazar chu a tawp a tawpah chuan hawn phal an lo ni ta a, amaherawhchu Dairep lalte chuan Bairabi hi khaw per zawk anih avangin a changkan hi an ngaihthah si a, chuvangin Pu Vana A.S.I  leh Thangpuia leh thian thenkhatte nen dated 26.2.1952-a tlawng kaia tiau pho-ah an hawng ta a ni. Chuta tang chuan Bazar chu alo awm chho ve ta zel a ni.

INSINGSAK HUN LAI

Heng hnu lam hi chuan mite pawh an lo awm pung hret hret zel a, hunrei tak atangin mi hmasate khan an huan (Ser huan) te chu tlem tlema na lo chhawr tan ta a. Tuna Primary School I nita pawh hi Private in 1942 ah din tan a ni ta a. Kum 10 aia tam mah private a enkawl a ni. Chung hunlai chuan Primary School I Teacher hmasate chu Mitinkhuma, Khuangtei te an ni. Buh hmun tin hnih khat lek lek a khawn khawm a thawk an ni thin.
    
Heng hunlai hian rukrute, tualthahnat tawh alo ni ta nual a. Heng hunlai hian Assam sawrkar-in Income Tax chawi turin min lo ti ta a. Chung mite chu- Pu Robula, Thangbera, Thangbuaia, Khuanga, Z.Thangpuia leh Tlangkunga te an ni. Chung Income Tax chawi tura an tihte chuan committee nate an nei a, chhuanlam siamin sawrkar-ah Police lo awmte, Dak In (Post Office) neih leh Bazar neih te dilin sawkar-ah dilna an thehlut thin a, heng hun atang hian Bairabi-in enkawl hna hi an lo thawk ve tan tawh thin a ni.
    
Tun hma British Saphovin min awplai 1945 hmalam chuanin Tlawng dung hi, mi zin kal velna a ni a, an chawlh buk emaw riah buk emaw sawrkar thupek angin sak a ngai thin a ni.
   
 Khawtin hian sak a ni thin a, chumi an riah buk tur leh Lawng atanga an lo chhuahna inkarte kha lei an rah loh nan Dap tahin phah a ni thin a ni.
   
 Heng hunlai in Saphovin Mizoram rawn tlawh tul an tih chang chuan Tlawng dung chauh hi vairam nena inkal pawhna kawng awmchhun a ni a, Sipai chhuti te leh sikul naupang Aizawla zir zo tawh
phai lama zir zel turte thlengin Tlawng dung chauh hi kal velna awm chhun ala ni a, Governor-te an lo kal chang chuan an lawng chuanna tur chu Lawng uluk bik Lawng thar thlanchhuahah an chuan thin a. Nupa a kal changte pawh an nei thin.

1. KHAWHMING LO INVUAH DAN:

Bairabi hming lo in vuah dan ni ta ber chu a tirah chuan ‘Boirobill’ tiin an lam thin a ni awm e.Chu chu ‘Lawibual’ tihna a ni a. Tuna Bairabi Lui hming khu a ni. Tin, chibai inbukna anga ngaiin ‘BAI-BAI’ an ti bawka sawi a ni.
    
Chutichuan a lo rei deuh hnuin, a awl zawngin Bairabi tih a lo ni ta a ni. Bairabi-a Mizo lo awm tantirh hi kum 1929 a ni a. 1929 hi Mizoram tan chhinchhiah tlak a nihna kawng thum a awm a, chungte chu :- (1) Thingtam, (2) Minpui kum, (3) Tui liansang. Hemi kum vek hian Tuiliansang alo kal leh a.
Bairabi phei pawh chu tuiin a chim nasain Leite chu chirhdiak (mud) in a vur nasa em em a, Chirhdiakah chuan Buhte chu a that duh ringin Dairep tlanga awm Pu Robula te chuan Tuikuk pahnih khat hruaiin an
zu en a, chirhdiak ngalrek thlen thleng a daiin, buhte chu an theh ta a, tichuan an chenchilh ta nghal a.Chumi kum 1929 chu Bairabi lo awm tantirhna tobul a ni ta a ni tih min hrilh.
    
Heng hlimchhawn hian thenawm dang - Pu Khuanga, Lallawma, Berula tan an rawn chenchilh zui ve ta a ni. Chutah a kum leh lamah chuan Pu Thangbera, Pu Rova ten an luhchilh ve leh a, chumi hnu kum lehah chuan tuna chanchin ziaktu  - Pu Zathangpuia Pachuau te chhung chuan Vawngawn atangin an zu pem chilh ve leh ta nghal a ni.
    
Heng hunlai hian Saitlaw lam atangte pawhin thahnem tawk takin an pem chilh ve ta bawk, tuna Pu Luaia huan tlang bawk saw Mau hmun a la ni a, pem ho chuan an vat fai chawp a, an awmkhawm a ‘Pem-Veng’ an ti thin.
    
Chung hunlai chuan an ram hi a la reh em em a, ramsa hlauhawm pui pui, Sai, Sakei leh adangte hlauhna avangin zanahte hian kan tlanchhe reng thin a ni an ti. Chutichuan, Pu Robulate ho hian tuna an awmna khaw hlui lam saw an lo hauh zawk tak avangin Bawnglui atanga Kawnpui lui hi ram ruak a la ni a, British hunlai in pi leh pute khan pass-na an la ve ta a ni.
    
Bairabi phai chentirh lai a hmun reh tak a nih lai chuan mihring awmna chin bak tuna huan fai ni ta te hi ngaw chhe tak tak sa tinreng awmna a ni a, Sakei hian Bawng a seh reng thin mai si a, chutianga a seh tawh chuan a tawmna lai ni awm kha hual a ni thin a, Pathian vennain mihringten tuarna em awm lovin thah a ni thin a. Sakei pawh sawmpakhat (11) vel chu thah a ni. Chung hunlai ami chu tun thlengin a lu pawh tar an la awm a ni.
    
Sakei thenkhat a lian chi chu Sai ral an ti a, Sai note hniak tiai tiat hian a hniak pawh a awm a. Daivelah hian hmuh tur a awm leh kuau thin a ni. Tlawng ral ngawpui lam lah sawsilai kausa nena inring renga luh a ni thin a, Sahram mak pui pui khawhkalh rum an tihte kawlpui saruh hak an tihte hi an hram ri bur bur thin a, eng ber nge hlauh tur tih pawh a hriat theih lova, muanawm lo tak a ni.
   

BAIRABI Group, facebook (22nd Nov., 2011)

Kum 2011, November ni 22 khan a hmasaber atan Facebook-ah BAIRABI Group siam a ni a. Khaw mipui (facebook user) ten kan hmang tangkai hle in a lang. Group member pawh kan pung chak hle a ni.
BAIRABI  Group photo @ facebook